حقنا في الكلام

الكلمة ايد
الكلمة رجل
الكلمة باب
الكلمة نجمة كهربية في الضباب
الكلمة كوبري صلب فوق بحر العباب
الجن يا احباب
ما يقدر يهزموا
فاتكلموا
اتكلموا
اتكلموا

Tuesday, September 8, 2009

إيه القرف ده؟

هو اللي حنعيده حنفضل نزيده لحد إمتى بس عشان أبقى عارفة
اتفضلوا:
"لمي نفسك يا بنت بلدي" للقضاء على التحرش الجنسي
ده آخر جروب على الفيسبوك للدفاع عن التحرش الجنسي
ما هو اللي يدخل يقول أي بنت لابسة بنطلون وكات تستاهل يبقى بيدافع عن التحرش
واللي يقول اللي لابسة محتشم ماحدش بيبصلها يبقى كداب
لإن في حاجة اسمها غض بصر
وفي حاجة اسمها النظرة الأولى لك والثانية عليك
وفي حاجة اسمها المسلم من سلم المسلمون من لسانه ويده
وفي حاجة اسمها من حسن إسلام المرء تركه ما لا يعنيه
إشمعنى حافطين الآيات بتاعت الحجاب صم ومش حافطين الأحاديث دي؟
ده على اعتبار يعني إنهم بيتكلموا من وجهة نظر دينية
لكنهم لو فاهمين التدين صح مش حيفكروا بالطريقة دي
معلش علم في المتبلم يصبح فاهم
نقول تاني؟
قولوا ورايا
كل واحد حر في لبسه وربنا هو اللي حيحاسب الناس
لبس البنت مش بيدل بالضرورة على تدينها أو أخلاقها
اللي بيبص للبنات أو يتحرش بيهم لفظيا أو ينتهك أعراضهم مجرم مجرم مجرم
وحنوديهم السجن واحد واحد إن شاء الله
كل البنات بتتعرض للتحرش بدون تمييز
اللي بيشوف بنت بتتعرض للتحرش ويسكت أحسن له يغير كلمة "ذكر" اللي في البطاقة
ها فهمنا ولا لسة؟
يا مسهل

8 comments:

Rolfe Bautista said...

I love the caligraphy of your language. It is truly an art of its own :)

assafo anaroze said...

فاهمين يا heart
كلامك مظبوط مئة المئة
اللي بيسمح لنفسه يتحرش بالبنت مش راجل ابدا
اللي يسمح ان البنت يتحرش بها قدامه و ميدافعش عليها يبقى مش راجل
و انا معاك اننا اتهامنا للنساء انهن السبب عشان لبسهن مثلا اللي بيقولوا عليه فاضح باطل
السبب فينا احنا السبب في حيوانيتنا التي تسوقنا
احنا مجرمون الذكور مجرمين و لازم يتربوا
و لازم يكون عندهم شوية دم و اخلاق و يحسوا على قلبهم
المراة انسان لازم يتعامل معاها كونها انسان و من حقها تلبس اللي هي شايفاه
و الحجاب اكبر اكذوبة دينية اللي الاسلامويين جعلوا منها واجبا دينيا و هي ليس كذلك
مودتي

Wild at Heart said...

Rolfe,
Calligraphy? My language? Art? You made my day! ;-)

Assafo,
موافقك مع إني معترضة على موضوع إن الحجاب أكذوبة دينية، أنا أعتقد إنه فرض بس هو مش بيحمي البنات من التحرش بسبب الانفلات الأمني الرهيب اللي احنا فيه وإن الناس مش عارفة حقوقها وواجباتها وقلة الوعي وأسباب كتير يمكن نكتب فيها بعدين.

assafo anaroze said...

heart
من حقك متوافقيني على ان الحجاب اكذوبة دينية وبس انا مقتنع انه ليس بواجب و لا فرض
مودتي

Anonymous said...

السلام عليكم أولاً
سأرد باختصار وأتمنى أجد فرصة أخرى لاحقاً لمناقشة أكثر جدية مني


بالنسبة لي فالحالتين مرفوضتين

لا ملبس المرأة مبرر للتحرش من قبل الرجل ، وكذا ليس مُبرر للمرأة أن تتحرر بتلك الطريقة المستفزة من الإحتشام والقيم

وطبيعي حينما يرى الرجل إمرأة فاتنة ومتكلفة في غبراز مفاتنها طبيعي أن تستفز مشاعره وشهواته ... وهنا كانت حكمة الدين في منع تبرج المرأة

هذا بديهي ولا يحتاج لشرح
فالمراة بطابعها خلقت جميلة ومن صفاتها الإثارة

أما عن تعلل الشباب بهذا لكي يتحرشوا فهذا هو الآخر مرفوض مرفوض مرفوض والأسباب كثيرة في ذلك

ونصيحتي ياطيبة أن تعضدي اي حملة مؤيدة لمنع التحرش وإحتشام الفتيات وكذا الشباب فللأسف الشباب هم أيضاص بدأوا في الإنحطاط وكل شاب فاتح القميص لحد نص صدره ولابس توك وحظاظات وسلاسل وبرموده وده كله بيثير الفتيات كذلك وإن كان بنسبة اقل لكنه عامل مساعد لهذا السعار الجنسي

دمتِ بود

Abo Hmeed said...

سيدتى الفاضله تحيه طيبه و بعد
انت تتحدثبن عن التحرش كأنه جاء نتيجه لأسباب غير معروفه اليس التحرش مثله مثل غيره من اعراض فساد المنظومه الأخلاقيه بأكملها فنرى الأعلام لا يحتفى بعالم برع فى مجاله ولا طبيب اتى بجديد فى معالجه مرض ما فنرى اهل الأعلام لا يأتى الا بأخبار اهل الفن الذين لا يرون الدنيا الا عن طريق الجنس و التعرى و محاوله بائسه لنقل الغرب الى بلاد الشرق و هذا محال و ياسيدتى الفاضله هل تطلبين من اجيال لم تربها المدرسه و ربها التلفزيون و الكليب بمستواهما الهابط الغنى عن التعريف ان تغض بصرها اليس الحديث عن غض البصر يستدعى الحديث اولا عن نسبه المتدينين و هى نسبه قليله فى المجتمع المصرى و من ناحيه اخرى فلندع المتدينين و للنظر الى ماده الدين التى ربما قريبا سيتم الغائها ومن وجهة نظر ا خرى اذا كان الشباب يشاهد افلام اجنبيه على ما بها و افلام عربيه على ما بها و يحاول ان يجارى ما يشاهده و لو عن طريق دفع اللاوعى الن يكون التحرش نتيجه من نتائج هذا الوضع الفاسد بأكمله
هذا و هذا فقط و لم نتحدث عن انه اذا كان غض البصر واجبا على الشباب فما هو الواجب على البنات اليس الحجاب الطبيعى العادى المحتشم غير الملفت انا اظن انك تسيرين فى الطرق و تشاهدين بعينك
ارجو الى من يتحدث عن التحرش ان ينظر الى القضيه من جميع اوجهها
و بالمناسبه الحجاب فرض من الله على من خلقهن من بنات حواء
سيدتى المتحرش و التحرش نتيجه سيئه لأخلاق اسؤ و بالمناسبه انا ضد التحرش من جميع الوجوه
و مع معاقبه المتحرشين بأشد العقوبات لكن هل انتبهنا الى الأسباب و معالجتها بدل من الترقيع الدائم لجميع الجوانب فى حيتنا
فى النهايه و على سبيل الدعابه

ماذا اذا تحرشت البنات بالشباب
ماذا سيكون الحال


تحياتى

^ H@fSS@^ said...

استاذ ابو حميد

حسب معنى كلامك ان الحجاب مفروض على البت و ده يمنع التحرش
فده مادامه مش مفروض على الست المسيحية يبقى حلال فيها التحرش ولا ايه؟؟

و بعدين حضرتك يبدو انك مش عايش في مصر
لان اكتر من الحجاب و النقاب دلوقتي في مصرمافيش
ده اكتر من الهم عالقلب
و مع ذلك نسبة التحرشات في ازدياد واضح جدا
اذا عاوز تعرف عن الموضوع اكتر و تشوف و تتاكد حقولك اتفضل اقرا البلوج كله و كل اللينكات المتصلة بيه
عشان تعرف قصدنا
التحرش طال جميع الستات
اللي لابسه و المحجبة
و المنقبة
و السيدة الكبيرة
و البنت الصغيرة

احمد على المصرى said...

انا عرفت ردك على وائل فى المدونة بتاعنة عاوز اقول بس كلمة ولا تاخزى فكرة مسبقة عنى لانك لا تعرفينى التحرش واسبابة لا يخضع لاى سبب ولاكن نعتربة بلاء او قدر او نصيب او امتحان من الله ولاكن هناك اسباب تجعلكى فى حصن الله الا وهية الصلاة الم تعلمى ان الله يدافع عن الذين امنوا ااظن بل اوكد انكى لم تبلغى قدر من الايمان اقصد النساء لانكى لم تدخلى فى حصن الله الحامى من بلاوى التحرش والفتنة