حقنا في الكلام

الكلمة ايد
الكلمة رجل
الكلمة باب
الكلمة نجمة كهربية في الضباب
الكلمة كوبري صلب فوق بحر العباب
الجن يا احباب
ما يقدر يهزموا
فاتكلموا
اتكلموا
اتكلموا

Wednesday, April 8, 2009

التحرش الجنسي السلبي



حكى ليا صديق الموقف التالي


كان في رحلة لايطاليا و كان له اصدقاء ايطاليين خرجوا كلهم لكافيه
صديقي ده شاف شاب
طويل القامة، شعره ناعم و مسبسب و مربوط ديل حصان، له بشرة برونزية جميلة و عيون عسلية اخاذه،
فاتراهن مع صحابه الطلاينة ان الشاب ده مصري
فاستغربوا و اصروا انه ايطالي بالذات بسبب شكله السابق شرحه
اصر صديقي المصري على رايه و قبلوا الرهان بمية دولار تتدفع من كل شخص في حالة اثبتوا انه مصري
المهم
راح صديقي للشاب و كلمه بلهجة مصرية خالصة
و كانت المفاجاة ان الشاب رد عليه بمصرية خالصة هو كمان
و بكدا اثبت صديقي لاصحابه انه صح في تخمينه
فساله واحد منهم ازاي قدرت تحدد انه عربي و بالذات مصري؟
فرد صديقي
عشان شفته بيلعب باعضاءه الخاصة بكل فخر في الشارع!
تمت

مين مننا احنا ستات مصر مشافتش راجل مصري بيعبث باعضائه بكل فجاجة و قلة ذوق كدا عيني عينك زي ما بنقول؟
المشكلة ان دي مش حركة غصب عنه او شيئ من هذا القبيل
دي حركة بيعملها اغلب الرجالة بكل فخر و تبجح و تباهي بالقوة اللي عنده
كانه بيلوح بعلم ولسان حاله بيقول
" بصي انا عندي ايه؟
بصي اقدر اعمل فيكي ايه؟؟
"
يعني بصراحة منظر مقرف اوي اني اكون ماشية في امان الله و الاقي واحد من دول مبسوط اوي و هو بيناغش المنطقة الخاصة اوي دي علني كدا في الشارع عيني عينك

ايه معنى التلاعب باعضاء الشخص بشكل علني في وجة المارة
من سيدات لاطفال
للناس بشكل عام؟
فين حس الخصوصية هنا؟
و ايه المدعي للتباهي انك تقف تشهر عن ذكوريتك العضوية و كاننا رجعنا للعصر الحجري لما كان كل غضنفر بيخبط على صدره و يعلي في صوته و يظهر قوته عشان يستميل الستات او يهزم اعداءه و يرهبهم؟
هل للدرجة دي متطورش الرجل من ايام العصر الحجري الى الان؟
ناهيك عن المرحلة الاسواء من النوع ده من التحرش الا و هي اشهاره او اظهاره على الملا كنوع من الترهيب و تخويف الناس بالذات الستات و كل جنس حوا
و نوع اخر هو ظاهرة التبول الارادي على حيطانك يا مصر
بجد ببقى عايزة الارض تنشق و تبلعني لما حد من زملائي الغير مصريين يروح مصر و يرجع يقلي انه انبسط بس، انا عند بس دي بمسك قلبي و اتشهد على روحي
بيشتكوا من الزحمة اقولهم بلد كبيرة
بيشتكوا من التلوث اقولهم من الزحمة
بيشتكوا من فهلوة المصريين عليهم اقولهم احنا دمنا خفيف و بنحب نهرق
لكن لما بيحكولي عن التحرشات و المناظر المخزية دي
ارد اقول ايه؟
احنا كدا برضو ولا عشان الزحمة ولا عشان التلوث ولا ايه بالظبط؟
يعني ايه التفسير المنطقي الطبيعي لامر شائن زي ده
اللي ممكن اقوله لصحابي لما احب اشجعهم على المجي لمصر؟
اعتقد ولا حاجة
و اعتقد ان ده اسمه تحرش جنسي برضو
بس بشكل سلبي
يعني الاخ اياه مش بيلمسك او بيسمعك كلمة سخيفة
لكن هو بيجرح و يتحرش بشعورك بشكل سلبي غير واضح و في الاخر هو فعلا مقربش منك
بس الاذى؟
مين يقدر يمنع اذاه النفسي على البنات لما بيشوفوا منظر مريض زي ده؟

ملحوظة: مؤكد كلامي هنا ميضمش كل الرجالة المصريين
اولا لاني مش بحب اعمم
ثانيا: لان فيه رجالة محترمة و لكن ده ميمنعش ان عندنا ظاهرة مقززة و مستمرة و متوغلة و اخذه في التفشي

13 comments:

Wandering Scarab said...

I think this type of behavior has been associated with manhood somewhere along the way, to the extent the Egyptian men keep adjusting their genitals on a continuous basis. I find it quite disgusting, especially when the clerk at the grocery store or the guy selling vegetables on the side of the road plays with his genitals and then touches my food or touches me!!

Donna Quixota said...

سألت مرة وانا في ايام الطفولة البريئة عن سبب وضع الرجال لأيديهم على اعظائهم الذكورية طول الوقت في الشارع - وتلك هي الردود التي وصلتني:
1- شعر العانة يتعلق بالملابس الداخلية ويريد تخليص الشعر من القماش
2- شاف واحدة ست وحصلت حالة إنتصاب وحب يعدل المسائل
3- بيعدوا قدام محلات لوجيريهات ومش قادر يمسك نفسه
4- البنطلون ساعات بيبقى ضيق
5- رجالة معفنة وواطية

وانا اؤمن بآخر رأي
:)

E_Mersal said...

أولا انا شايف إن ده مش تحرش سلبى ده تحرش إيجابى زيادة عن اللزوم .
ثانيا بالنسبة لسؤال Don Quixote
أولا مش كل الرجالة بيعملوا كدة
ثانيا من الناحية التشريحية أعتقد ان مفيش عضو تانى فى أى حتة فى الجسم بيتغير حجمه غيره
ثالثا فى حاجات تانية بتأثر فيه غير الإستثارة منها الحرارة مثلا او لما الواحد ميلاقيش تواليت و مايحبش يستخدم طريقة الحيطة .
أعتقد إن معظم الرجالة بيضطروا يعملوا كدة بس بتفرق بيعملوها ادام الناس ولا بيحاولوا يتداروا إحتراما لنفسهم او لغيرهم زى اللى عايز يرمى علبة كنز فاضية ممكن يرميها فى نص الشارع انا شخصيا ممكن ادور بيها ساعتين لحد ملاقى بسكت

Wandering Scarab said...

E_Mersal..

For starters, I think you misunderstood the type of behaviour the post points to. Your statement suggests that men touch their genitals to adjust for an erection. We are not talking about erections, or random erections for that matter. We are talking about men touching their genitals in public while some of them even make eye contact with others while they do it, whether those men have erections or not.

I don't believe we said that ALL men do that, but we suggested that a large portion of them do, specifically in Egypt. In addition, I'm sorry to disappoint you but that behaviour is actually common especially in areas where there are large groups of men, such as in the army for example. And it's not about hiding it out of necessity, quite the opposite. Simply put, a dude scratching his balls in front of everyone else is a show of virility, which is directly related to the "manhood" premise I commented on. That's pure psychology in my opinion.

The only problem here is that we as women are not interested in his virility or otherwise.

E_Mersal said...

Wandering Scarab
انا فاهم ايه المقصود بس بوضح ان محدش يعرف نوع القصد غير الشخص نفسه اللى بيعمل كدة فمتحكموش على الشخص .
انا مش بنكر ان فى ناس كتير فى مصر و غير مصر مش بيبصوا للست الا على انها وسيلة لاشباع رغباتهم و ده اللى بيصورلهم ان الست ممكن تعجب بحاجة زى كدة لان دماغهم مافيهاش غير المتعة .
بس برضه بوضح رأيى ان فى حاجات تانية بتخلى الراجل مضطر يستخدم إيده لأغراض غير جنسية و ممكن يتفهم غلط من غير قصد.
يا ريت تكونى فهمتى قصدى .. و لكى جزيل الشكر

Tarkieb said...

على فكرة انا متابعي البلوج بتاعك بس مش بحب ساعات اعلق على كلامك كتير لان معرفش با احس ان اسهل طريقة للدفاع عن المرأة عندك هي الهجوم على الرجل وغالبا بتنهي قصتك بجملة كدة برو عتب يعني معناها ان مش كل الرجالة كلهم كدة على طريقة الافلام المصرية لما نشوف المجرم مستمتع طول الفيلم ومبشبش الانتيكة وفي الاخر يتقبض عليه وده عشان الفيلم لازم ينتهي كدة... اما حكاية الاعضاء التناسلية دي ولصقها بشعب عن غيره عن طريق حكايات يحكي في الاثر فاحب اقولك ان العادة دي موجودة برضه في اوروبا وان في ممثل كوميدي الماني مشهور بها واسمه اتسة
atze schröder
وما اظنش انه من اصل مصري اصلا.مشهور جدا بالحركة المنيلة دي.. اما حكاية التبول تحت الكباري دي في مصر فلو حضرتك رحت باريس مدينة الجن والملائكة او اي مدينة فرنسية حتلاقي كله بيتبول تحت الكباري برضه... بس هو حضرتك فيه مراحيض عامة في مصر والناس ما كانتش راحتها؟
اتمنى ما تزعليش من كلامي

^ H@fSS@^ said...

استاذ تراكيب
مش عارفة حضرتك تقصد مين بالظبط في حكاية كتابتها الهجومية
بس انا مش شايفة ان افضل طريقة لحماية المراة هي مهاجمة الرجل
يا ريت لو تقلي فين انا كتبت بلهجة زي دي

بالنسبة لنهايات المقالات
فبصراحة غلبنا
لوكنا قلنا كل الرجالة كدا
بيطلعوا ياكلونا
و لما نقول انها ظاهرة منتشرة لكن ده ميعنيش ان كل الرجالة المصريين بالطبع ده بتقول اننا بنبر و نعتب
مش عارفة
تحب انت انا اقول ايه؟؟
انها شرذمة فقط من المجتمع اللي بتعمل الحركة دي؟
و انها ظاهرة دسيسة موجهة من اسرائيل لتشويه سمعة رجالتنا؟

بالنسلة لموضوع الممثل الالماني
فهو شخص واحد
اللي بيعلمها و بيعملها على سبيل الدعابة
في تلفزيون
كونهم يسمحوا بيه فدي حريتهم
زي ما عادي عندهم قنوات التوتي فروتي و الار تي ال بلس و غيره
فهي مش ظاهرة عندهم
و خلينا نقول ان فيه شوية ناس بتعمل الحركة دي في المانيا
بس هل هي منتشرة عندهم و بغرض وقوع تحرش نفسي على الستات؟
معتقدش

و اخيرا
مشكلة التبول موجودة في بلاد كتيرة بس عندنا احنا عادي اوي
و والله لو حطوا مليون حمام برضو الناس حتتبول تحت الكباري و فوق الاسوار
دي تصرفات زيها زي رمي الزبالة ف يالشارع مع انه شايف باسكت ليها كمان كام خطوة
و انا اسفه اني دخلت سيرة التبول مع الموضوع
و كونه بيحصل في بلاد تانية ميديهوش شرعية ولا يضفي عليه اي مصداقية
يعني احنا ملقيناش غير التبول في فرنسا و نقارن نفسنا بيها؟

شكرا

فكرة من الزمن ده said...

عزيزتي اسور
دائما اتابعك
ودائما اعجب بالمواضيع اللي بتناقشيها ولكن دائما اختلف معاكي في تعميم اي صفة
المرة
دي اختلف معاكي في تخصيص الصفة او العادة المقززة دي بالرجل المصري
واؤكد صادفتني في اماكن كتير مش مصريين ماشيين في زحام او شوارع عامة ويعملو التصرف ده
والغريب انه عادةبيكون تصرف لا ارادي وينم عن قصور في تربية او لا مبالاه
اهله ما علموه وهو صغير اين تقف حدود حريته
ده نوع اما النوع التاني اللي بيتعمد بالتصرف ده التحرش بشخص رجل او امراة
فدي اعتقد انها خارجة عن التربية لانه يعتبر تعدي مع سبق الاصرار وقلة الادب

اما التبول في الشوارع
مش بس تحت الكباري
فمكدبش عليكي ما شافتهاش الا في مصر فعلا
تحياتي
وطمنينا على تطورات القضية

فكرة من الزمن ده said...

عادة اخرى لاتقل قبح
البصاق في الارض
وهي ايضا غير مقتصرة على الرجل المصري
والغريب انه بعد القيام بهذا التصرف القذر ممكن اوي تلاقيه بيخرج من جيبه منديل يخفف فمه

تحياتي

فكرة من الزمن ده said...

اسور
اعتذر عن الخطا
واشكرك على زيارتي

واكيد
الرد موجه ل
H@fSS@
بما انه هو الكاتب

تحياتي للجميع

Amira Barakat said...

مساء \صباح الخير عليكم جميعا
أنا أحد المسؤولين عن حمله ضد التحرش في مصر وصراحتا أنا كنت بقرأ هذا المقال بحثا عن طرق أكثر تواجدا على الساحه لم تطرق لها حملتنا قبل ذلك و لكنني ذهلت من ما كتب فهو لم يتطرق إلى أذهان القائمين على الحمله منهم أنا تماما
ولكن أريد أن أتسائل هل لأحد منكم أن يجيبني كيف لي القدره كمسؤوله عن حمله تحارب التحرش الجنسي و دورها التوعيه في شوارع مصر وميادينها من أن أوعي الناس بمثل هذا النوع من التحرش للقضاء على مثل هذه الظاهر رغم أنني لم ألحظها إلى حد كبير و عمتا أنا عن نفسي سأحاول دراسه الموضوع و تواجده و نسبته في المجتمع المصري و أيضا أود مشاركتكم في الإجابه عن تساؤلي
و لكم جزيل الشكر و الإمتنان
تحياتي
أميره بركات

^ H@fSS@^ said...

اهلا اميرة
اولا شكرا لاهتمامك

ثانيا
بصراحة مش عارفة اقولك ازاي بالظبط تعملي توعية
لكن حقولك احنا عملنا ايه الى الان
اول شيئ عملناه هو المدونة دي عشان كل واحدة فينا تكتب تصورها عن انواع التحرش و كيفية الحماية و توقع ردود الفعل
غير اننا بنحاول نغير مفهوم الناس بالنسبة للموضوع ده

الشيئ التاني ان اسور هنا لانها تقريبا الوحيدة مننا اللي عايشة في مصر
عملت حملة و التلفزيون و الصحافة وثقوها
فممكن تتفقي معاها و كل فترة او كل شهر تعملوا يوم بحيث يبقى الموضوع مستمر
و مرة على مرة
نكسب ناس اكتر يؤمنوا بخطورة الموقف و يساعدوا على تحجيمه
في رايي الشخصي ان توعية بالذات على موضوع التحرش السلبي ممكن تتم عن طريق نصائح للرجالة باهتمام بنضافتهم
لانه زي ما شوفتي مثلا تعليق دون كيخوته
انها بتكون بسبب قلة نضافة
طبعا لو بسبب حدوث انتصابات فدي صعب نتحكم فيها بس المفروض يتعلموا يكونوا بني ادميين
مش زي الحيوانات بيستثاروا من اقل شيئ
فمككن نبتدي نعمل شعارات تقول
هل تقبلها على نفسك
او تحب انك تكون في مستوى لا انساني زي ده
و هكذا
طبعا انا بحكيكي بشكل عام خالص
لان حملة زي دي محتاجة مناقشات و توضيب كتير اوي
و منتظرين منك اي تساؤل او استفسار
و يا ريت نحط ايدينا مع بعض عشان كل ما كان الجهد منظم و موحد بيسهل حاجات كتيرة و بيستغل الوقت المبذول فيه باحسن الطرق

تحياتي

Amira Barakat said...

أهلا
أشكرك على الإهتمام
و فعلا أنا حاليا بره مصر بس أنا فعلا في أشد الحاجه لمقابله أسور لأني في الفتره القادمه إن شاء الله في نيه و تخطيط مع فريق العمل الخاص بي إننا نأسس حمله ضد صور التحرش مش بس لفتره عمريه واحده وهي فتره المراهقه لأ
إننا شايفين إن الظاهره ساريه على كل الأفراد بمختلف المراحل العمريه
بجد ياريت أتواصل معاها عن ما قريب
وفعلا ده يبقى أكبر فائده ممكن تتعمل و تكون إتقدمتلي الفتره الحاليه
أشكرك جدا للإهتمام
سلام
أميره بركات